ထားဝယ်မြို့၏ ထင်ရှားသော သာဂရ မြို့ဟောင်း ကိုရောက်ရှိသော အခါ ရှေးအုတ်ချပ် ကြီးများ၊ ရောင်စုံ ပုတီးစေ့များ၊ မြေဆေးတံ တွေကို တွေ့မြင် ရသဖြင့် အံ့သြ ရသလို ဝေဒီ မြို့ဟောင်း ကိုရောက်ပြန်တော့လည်း အုတ်မြို့ရိုးတွေ ရှိနေသေးသည့် ဝေဒီ ဆိပ်ကမ်းကို ကြည့်ကာ ရှေး ထားဝယ်၏ ကုန်သွယ်ရေး ကို တွေးဆ ဖြစ်သည်။ အချိန်နှင့်နည်းပညာသာရှိလျှင် ထားဝယ်အတိတ်သမိုင်းနှင့် ပတ်သက်သော လေ့လာစရာတွေက တစ်ပုံတစ်ပင်။
အထူးသဖြင့် လောင်းလုံးမြို့နယ်၊ မြို့ဟောင်းကျေးရွာကို ရောက်တိုင်း ရွာအ၀င်က သချိုင်းဟောင်း ဟုဆိုကြသော နေရာကို စေ့ငုဖြစ်သည်။ ထို နေရာတွင် တွေ့ရ တတ်သော အရိုးအိုး တွေက မြန်မာ့မြေ ပေါ်မှ ပျောက်ကွယ် သွားခဲ့သည့် ပျူ များ၏ဓလေ့နှင့် တူသောကြောင့် စိတ်ဝင်စား ခြင်းလည်း ဖြစ်သည်။ ပျူနှင့် ထားဝယ် ၏ဆက်စပ်မှု၊ သာဂရနှင့် ပတ်သက်မှု စသည့် အချက်တွေက မိမိ၏ သိလိုစိတ် ကို ဆွပေးသည်။ မိမိ နည်းတူ ထိုအကြောင်း အရာတွေကို သိလိုသူ တွေလည်း ရှိနေပါလိမ့်မည်။
ထိုကြောင့် ထားဝယ်မြို့ဟောင်း များကို အထူး ဂရုစိုက် လေ့လာနေသူ ထားဝယ် တက္ကသိုလ်၊ စိတ်ပညာ ဌာနမှ ဆရာ ဦးဇော်သူရကို ထားဝယ် မြို့ဟောင်း များအကြောင်း အထူးသဖြင့် သာဂရ မြို့ဟောင်း အကြောင်းကို တွေ့ဆုံ မေးမြန်ထား ပါသည်။
မေး - ရှင်ဇလွန် စေတီရှိတဲ့ သာဂရ က ထားဝယ် ရဲ့အထင်ရှား ဆုံးပေါ့။ အဲဒီ အကြောင်းလေး စပြောစမ်းပါဆရာ။
ဖြေ - လူအများစု စိတ်အ၀င်စားဆုံးက သာဂရပေါ့လေ….။ မှတ်တမ်းတွေအရလည်း “သာဂရမြို့တည်၊ ဥသြစည်”
၁၁၃ ခုနှစ် ပေါ့လေ..ဆိုတယ်။ ခရစ်နှစ် အားဖြင့်တော့ ၇၅၁ ခုပေါ့။ ၈ ရာစုပေါ့နော်။ ရှေးဟောင်း သုတေသန ကလည်း ဟုတ်တယ် လို့ ထောက်ခံ တယ်။ အရိုးအိုး ဓလေ့၊ လက်ရေးစင်း ပါ အုတ်ချပ်တွေ တွေ့တယ်။
မြို့ရိုး ကလည်း အ၀ိုင်း ပုံစံဖြစ်နေတယ် ။ ဗမာ မှတ်တမ်းတွေ မှာ… မှန်နန်း လိုမှတ်တမ်း မှာပေါ့ဗျာ ပျူတွေ ပျက်လို့ ထားဝယ် တနင်္သာရီ ကိုရောက်တယ် လို့ ဆိုထားတယ်။ ထားဝယ် ပညာရှင်အချို့ကလည်း ပျူတွေလို့ ယုံကြည် ကြတယ်ဗျ။
မေး – ဒါဆိုရင်..ထားဝယ်ကပျူခေတ်ကတည်းရှိတယ်ဆိုတဲ့သဘောပေါ့။
ဖြေ - ပျူခေတ် ဆိုတာ လွန်ခဲ့တဲ့ နှစ်ပေါင်း၂၂၀၀ လောက်က စပြီး သတ်မှတ် တာပါ။ ကမ္ဘာပေါ်မှာ လူရယ် လို့ဖြစ်လာတာ နှစ်ပေါင်း ၄၀၀၀၀ လောက်ရှိပြီ။ အရင် ကမြို့နဲ့ ဘာနဲ့နေ ချင်မှ နေမယ်။ ဒီမြို့ကပဲ ပြောရရင် ပျူခေတ်လို့ ယုံတယ်။ ဒါပေမယ့် သာဂရ မြို့ဟောင်းသာမက ထားဝယ် ဒေသတစ်ခု လုံးမှာ ကျောက်ခေတ် သစ် လက်နက်တွေ အများကြီး တွေ့ ရတယ်ဗျ။ လွန်ခဲ့တဲ့ နှစ်ပေါင်း ၄၀၀၀၀ လောက် ကတည်း က လူရှိနေပြီဆိုတဲ့ သဘောပဲ။
မေး - အဲဒီလူတွေက ဘယ်သူတွေဖြစ်မလဲ ဘာယဉ်ကျေးမှုရှိလဲဆရာ…။
ဖြေ - သုတေ သနတွေနဲ့ အထောက်အထား အားနည်းတော့ အတိအကျ မပြောနိုင်ဘူး။ ဘီလူး လို့ခေါ်တဲ့ လူတွေ ဖြစ်ဖို့များတယ်။ လူသား စားမယ်။ နတ် ကိုးကွယ်မယ်။ ရေသိပ်ကျွမ်းလို့ ရေဘီလူး တွေလို့ ရာဇ၀င်တွေမှာပါတယ်။ (မွန်ပြည်နယ်က) သထုံဟာ ထင်ရှားတဲ့ ဘီလူးမြို့ပါ။
မေး - သာဂရမြို့ဟောင်းလည်း ဘီလူးတွေလုပ်တဲ့မြို့လား။ ဘယ်သူတွေလဲ ရှင်းပြပါဦးဆရာ။
ဖြေ - ဘီလူးတွေက ဒေသခံတွေ ပျူ က အုပ်ချုပ်သူ ဖြစ်ဖို့များတယ်။ မွန် ကလည်း ထည့်တွက်ရမယ့် လူမျိုးပါ။ မွန်နဲ့ ဘီလူးတို့ နယ်မြေ လုတဲ့အကြောင်း၊ သုဝဏ္ဏဘူမိ သမိုင်းမှာ ရှိတယ်။ ပျူကမွန်ကို သိမ်းသွင်းနိုင် ပုံရတယ် ပျူနဲ့က မလေးကျွန်းဆွယ်၊ အင်ဒို၊ ဖိလစ်ပိုင် အထိ အဆက်အသွယ် ရှိတယ်။ ဒီတော့ ကုန်သွယ်ရေး၊ ဘာသာရေး၊ စစ်ရေး စတဲ့ အကြောင်း တွေကြောင့် ပျူတွေ ရောက်လာ ပုံရပါတယ်။ ဘာဖြစ်လို့လဲ ဆိုတော့ သာဂရ ဟာ သရေခေတ္တရာ အငွေ့အသက် တွေ အများကြီး ရလို့ပါ။
မေး - သာဂရမြို့ရဲ့ အကွက်အကွင်းလေး ပြောပြပါဦး ဆရာ။
ဖြေ - ပထမ အချက် သာဂရ ရဲ့ပထ၀ီ အနေအထား၊ တောင်တွေ ၀ိုင်းနေတယ်။ မြစ်ဘေး မှာရှိတယ်။ ရေအသုံးချ မှုကလေ့လာ စရာ ဖြစ်တယ်။ အခု ထားဝယ်မြစ် ကကော သွားပြီ။ ဒုတိယ အချက် မြို့ရိုးက အပြင်ဆုံးက အ၀ိုင်း၊ အတွင်း လေးထောင့် ၂ထပ်၊ အပြင် မြို့ရိုးက စောတယ်။ ပြီးမှ အတွင်း လုပ်တယ်။ ဒါပေမယ့် ကွင်းဆင်း လေ့လာ တဲ့အခါ အပြင် မြို့ရိုးလည်း ၂ ထပ်၊ ၃ ထပ် လောက်ရှိတယ် ။ တတိယ အချက် မြို့ရဲ့ တောင်ဘက်မှာ သင်္ချီုင်း ရှိတယ်။စတုတ္ထ အချက် အလယ် နီးနီးမှာ နန်းတော်ကုန်း ရှိတယ်။ အုတ်တိုက် ပါ ။ အနောက်ဘက် ပင်လယ်ကို တောင်ကြားထဲက ချောင်းက တစ်ဆင့် ထွက်တဲ့ လမ်း ရှိတယ်။ အခု ပျောက်ပြီ။ပဉ္စမ အချက်က ဆေးတံ တို့ အိုးတို့ ပုတီးစေ့ အစရှိတဲ့ အထောက်အထား တွေက ပျူနဲ့ ဆင်တယ်။ သတိထား ရမှာက အားလုံးက မြေပေါ်တွေ့အထောက်အထား တွေ ဖြစ်နေတာ။ တူးဖော် သုတေသန ပြုဖို့ အရမ်းလို နေတယ်။ ဆဌမ အချက်က…လက်ရေးစင်း ပါ။ အုတ်ချပ် တွေ ။ သတ္တမ အချက်က ပုဂံ အနော်ရထာ မင်းကြီးအုတ်ခွက် ရှင်မော် ကရတယ်။ အနော်ရထာ ဒီမြို့တည်တာ မဟုတ်ဘူး၊ အနည်း ဆုံးနှစ် ၂၀၀ လောက် စောတယ် ။ ဒါကြောင့်.ထားဝယ် ဟာ ပျူခေတ် ကတည်းက ရှိတယ်။ သုတေသန သဘောအရ ဆိုရတာဗျာ…။ ထပ်တွေ့ ရင်ဟုတ်၊ မဟုတ် သိလိမ့်မယ်။ ကျွန်တော့် အနေနဲ့ သာဂရ ဟာ ပျူမြို့လို့ ယုံကြည်တယ်။
